Կանայք զանգվածաբար սկսել են հրաժարվել դեկորատիվ կոսմետիկայից
ՀԱՍԱՐԱԿՈՒԹՅՈՒՆԿանայք զանգվածաբար սկսել են հրաժարվել դեկորատիվ կոսմետիկայից՝ փոխարենը գերադասելով մաշկի խնամքի միջոցները: Այս մասին գրել է «Daily Star»-ը:
Հոդվածում նշված է, որ 2020 թվականին՝ անցյալ տարվա համեմատությամբ, բնական գեղեցկությունն ավելի առաջնահերթ է դարձել: «Foreo» ընկերության՝ երկու հազար կանանց մասնակցությամբ հետազոտությունը ցույց է տվել, որ անձնական հանդիպումների և հասարակական միջոցառումների կրճատման պատճառով փորձարկվողների 59%-ը հրաժարվել է դիմահարդարումից:
Վիճակագրության համաձայն՝ տասը կանանցից վեցն ընտրություն են կատարում՝ ի օգուտ խնամքի կոսմետիկայի, մինչդեռ յուրաքանչյուր հինգերորդը զարմացել է տանն ունեցած անպետք դեկորատիվ կոսմետիկայի քանակից: Ավելին՝ հարցվողների 42%-ը հայտարարել է, որ ցանկանում է կրճատել դրա քանակը:
-Նախկինում կանայք կոսմետիկայի մեծ պաշարներ ունեին, որոնք օգտագործում էին ամեն օր: Բայց այժմ նրանք իրենց ավելի ինքնավստահ են զգում, երբ նրանց մաշկը գտնվում է լավ վիճակում և արհեստական բարելավման կարիք չի ունենում, - պարզաբանել է ընկերության ներկայացուցիչը:
