Գիտնականները նկարագրել են COVID-19-ի դեպքում ամենաերկարատև ախտանիշները

COVID-19-ի որոշ ախտանիշներ չեն վերանում հիվանդությունից հետո մի քանի ամիսների ընթացքում, Annals of Internal Medicine ամսագրում հրապարակված հոդվածում պնդում են Ժնեւի համալսարանի (Շվեյցարիա) գիտնականները:

Հետազոտությանը մասնակցել է 669 պացիենտ (միջին տարիքը՝ 42,8), որոնց վիճակը գնահատվել է ախտորոշումը կատարելուց հետո 30-45-րդ օրը: Պացիենտների 60 տոկոսը կանայք էին, 24,6 տոկոսը՝ բուժաշխատողներ: Հետազոտության մասնակիցների 68,8 տոկոսը բարդություններին նպաստող ռիսկի հիմնական գործոններ չուներ:

Հոսպիտալացված պացիենտների 55 տոկոսը տղամարդիկ էին: Հետազոտության մասնակիցների այդ կարգի 62,5 տոկոս մտնում էր ռիսկի խմբի մեջ:

Հիվանդության առաջին դրսեւորումներն են հոգնածությունը, հեւոցը եւ համի կամ հոտառության կորուստը: Պացիենտներից մեկ երրորդի մոտ այս ախտանիշները պահպանվել են ախտորոշումը կատարելուց հետո նվազագույնը 30 օր:

Այս արդյունքները համապատասխանում են 274 պացիենտների մասնակցությամբ նախորդ հետազոտությանը, որը ցույց էր տվել, որ ինֆեկցիայի ախտանիշները պահպանվել են հիվանդությունը սկսվելուց հետո 14-րդից մինչեւ 21-րդ օրվա ժամանակահատվածում: