Դիմակները 45%-ով նվազեցնում են COVID-19-ով վարակման նոր դեպքերի թիվը

Moscow24.site-ը գրում է.

Գերմանական հետազոտությունը պարզել է, որ կրելուց մոտ 20 օր անց, դիմակները կարող են 45%-ով նվազեցնել Covid-19-ով վարակման նոր դեպքերի թիվը: Հետազոտության արդյունքները հրապարակվել են «Proceedings of the National Academy of Sciences» (PNAS) գիտական թերթում: Նյութը վերցրել ենք Forbes.com կայքից:

«PNAS»-ի հետազոտությունը ցույց է տվել, որ դիմակները պարտադիր կերպով կրելուց 20 օր անց, Covid-19-ով վարակման նոր դեպքերի թիվը կարող է իջնել 15-75%-ով՝ կախված տարածաշրջանից: Նոր դեպքերի թվի նվազում է դիտվել հիմնականում 60 տարեկանից բարձր անձանց մոտ:

Հետազոտողները նշել են, որ արդյունքները կարող են փոխվել՝ կախված տարբեր երկրների կլիմայական պայմաններից և տեղական կանոնակարգերից: Նրանք ավելացրել են, որ Գերմանիայում թեստերի անցկացման կանոնները միանման են, ուստի չեն ազդում թեստավորման տարբերությունների վրա: Նրանք նաև չեն ուսումնասիրել օգտագործվող դիմակների տեսակները:

ԱՀԿ-ն նույնպես թարմացրել է դիմակների օգտագործման վերաբերյալ ուղեցույցները: Այն մարդկանց խորհուրդ է տալիս դիմակ կրել ինչպես ներսում, այնպես էլ դրսում:

«Ուրիշների հետ նույն փակ տարածքում գտնվելու դեպքում մարդկանց խորհուրդ է տրվում դիմակ կրել, եթե օդափոխությունը բավարար չի գնահատվել: Տանը մարդիկ պետք է դիմակ կրեն, երբ հյուրեր են ունենում և չեն կարող հեռավորություն պահպանել, կամ երբ բավարար օդափոխություն չկա», - նշել է ԱՀԿ-ն:

Նյութը հրապարակման պատրաստեց Լիլիթ Ամիրաղյանը

Ավելին՝ այստեղ