Ե՞րբ է կորոնավիրուսով վարակված մարդն առավել վարակիչ
ՀԱՍԱՐԱԿՈՒԹՅՈՒՆ
Կորոնավիրուս ունեցող մարդը սովորաբար վարակիչ է շրջապատողների համար նույնիսկ նախքան ախտանիշների ի հայտ գալը: BMJ ամսագրում հրապարակված հետազոտության մեջ մասնագետները ուսումնասիրել են կորոնավիրուսային վարակի բնույթը եւ պարզել, որ ամենավարակիչը մարդը լինում է կորոնավիրուսի` օրգանիզմ ներթափանցելուց հետո մեկ շաբաթվա ընթացքում: Այդ ժամանակ նա կարող է վարակի ախտանիշներ դեռ չունենալ:
Գիտնականները պարզել են, որ վիրուսի գերվարակիչ լինելու ունակությունը պայմանավորված է դրա սպիտակուցների կառուցվածքային մակերեսով. դրա շնորհիվ նրանք ավելի ամուր են կապվում ընկալիչներին օրգանիզմում, ինչը հեշտացնում է ներթափանցումը եւ վարակումը:
Նրանց խոսքով` վարակման առավելագույն ներուժը նկատվում է ախտանիշների առաջացումից անմիջապես առաջ եւ դրանց առաջացումից հետո առաջին հինգ օրվա ընթացքում: Հիվանդության տարածման գործում ամենամեծ դերը խաղում է նախախտանշանային փոխանցումը` վարակվածի մոտ ախտանշանների ի հայտ գալուց մեկ-երկու օր առաջ:
