Բռնցքամարտի Եվրոպայի երիտասարդական առաջնություն. Հայաստանը նվաճել է 5 մեդալ
ՍՊՈՐՏ
Մոնտենեգրոյի Բուդվա քաղաքում ընթացող բռնցքամարտի Եվրոպայի երիտասարդական առաջնությունում Հայաստանի 5 ներկայացուցիչ դուրս է եկել կիսաեզրափակիչ` ապահովելով առնվազն բրոնզե մեդալ, հայտնում է ՀԲՖ մամուլի ծառայությունը:
Կիսաեզրափակչ են դուրս եկել 56 կգ քաշային Ռուսլան Ասլիկյանը, 60 կգ քաշային Արթուր Սահակյանը, գերծանր քաշային Հովհաննես Փափազյանը, 48 կգ քաշային Գահանե Տեր-Բարսեղյանն ու 64 կգ քաշային Էլիդա Քոչարյանը:
Առաջնությունում նոյեմբերի 19-ը հանգստի օր է:
