Գիտնականները նշել են այն հինգ վայրերը, որտեղ ավելի հավանական է վարակվել կորոնավիրուսով
ՀԱՍԱՐԱԿՈՒԹՅՈՒՆ
mk.ru-ն գրում է, որ ԼՕՌ կլինիկան, բժշկական գիտությունների թեկնածու, բժիշկ Վլադիմիր Զայցևը պատմել է այն մասին, որ կորոնավիրուսով վարակվելու ամենավտանգավոր վայրը առաջին հերթին հասարակական տրանսպորտն է: Փորձագետի խոսքով հատկապես ամենավտանգավորը մասնավոր փոխադրողների կողմից օգտագործվող տրանսպորտով ճանապարհորդելն է, քանի որ այս դեպքում հնարավոր է, որ բավարար ուշադրություն չդարձվեն անվտանգության միջոցներին: «Տրանսպորտային աշխատողներին աջակցելու համար պետք է ասել, որ ձեռնարկվում են աննախադեպ միջոցառումներ մետրոյի վագոնները և հասարակական տրանսպորտը մշակման համար», - ավելացրել է նա:
Զայցևը նշել է, որ մետրոյում մշակում կատարվում է օրական մի քանի անգամ յուրաքանչյուր երթուղի դուրս գալուց առաջ՝ բազրիքներն ու նստատեղերը ախտահանվում են, օգտագործվում են ուլտրամանուշակագույն լամպեր: Մետրոյում կան նաև մետրոյի և ոստիկանության հերթապահ աշխատակիցներ, որոնք վերահսկում են դիմակների և ձեռնոցների առկայությունը:
«Վտանգի տեսակետից երկրորդը խանութներն են: Պետք է նշել, որ խոշոր խանութներում, որտեղ կան անվտանգության աշխատակիցներ, որոշակիորեն անվտանգ է, քանի որ նրանք թույլ չեն տալիս առանց դիմակ մուտք գործել առևտրի կենտրոն կամ խանութ, և դա լավ է», - ասել է բժիշկը:
Նա նաև հիշեցրել է, որ խոշոր առևտրի կենտրոնները լավ օդափոխություն ունեն, իսկ մակերևույթները պարբերաբար ախտահանվում են, ինչը չի կարելի վստահորեն ասել փոքր խանութների մասին: Գիշերային ակումբներն ու զվարճանքի վայրերը եզրափակում են լավագույն եռյակը:
Ըստ փորձագետի, նման հաստատությունները հաճախ տեղակայված են լինում նկուղներում կամ կիսանկուղային հարկերում և վատ օդափոխություն են ունենում: Հետևաբար, այնտեղ մարդիկ վտանգի տակ են, քանի որ մարդկանց մեծ կուտակում է լինում փոքր տարածքում: Չորրորդ տեղում կինոթատրոնները, թատրոններն ու համերգասրահներն են՝ նույնիսկ եթե հանդիսատեսները նստած են միմյանցից որոշակի հեռավորության վրա: Բանն այն է, որ այստեղ ևս մարդկանց մեծ կուտակում է լինում: Հինգերորդ տեղում բժշկական հաստատություններն են:
«Եվ առողջ մարդը, որը ցանկանում է թեստավորվել տեղեկանքի համար, և այն անձը, որը վատառողջ է և նույնպես ցանկանում է իմանալ վարակ ունի՞, թե ոչ միասին սպասասրահում սպասում են իրենց հերթին, և այնտեղ ևս մեծ հավանականություն կա վարակվելու», - ասել է Զայցևը:
Նա խորհուրդ է տալիս անպայման դիմակներ ու ձեռնոցներ կրել, և նշել է, որ նրանք, ովքեր սպասում են թեստի արդյունքներին, պետք է հնարավորինս հեռու մնան նման հերթերից:
Նյութը հրապարակման պատրաստեց Կամո Խաչիկյանը
