Յուրա Մովսիսյանը կոչ է արել ճանաչել Արցախի անկախությունը

Ֆուտբոլի Հայաստանի ազգային հավաքականի նախկին հարձակվող Յուրա Մովսիսյանը միջազգային հանրությանը կոչ է արել ճանաչել Արցախի անկախությունը։

«Ճանաչեցի՞ր ինձ ու որդուս, չանաչի՛ր Արցախը»,- ֆեյսբուքյան էջում գրել է Մովսիսյանը՝ տեղադրելով լուսանկար:

Հիշեցնենք, որ ավելի վաղ Արցախի անկախությունը ճանաչելու կոչ էին արել Արթուր Ալեքսանյանը, Հենրիխ Մխիթարյանը, Արթուր Աբրահամը, Դավիթ Սաֆարյանը և այլ հայտնի մարզիկներ:

Սեպտեմբերի 27-ից Ադրբեջանի զինված ուժերը Թուրքիայի եւ վարձկան-ահաբեկիչների աջակցությամբ, կոպտորեն խախտելով միջազգային մարդասիրական իրավունքի գործող նորմերը եւ հակամարտության լուծման խաղաղ բանակցային գործընթացի տրամաբանությունը, օգտագործելով հրթիռահրետանային միջոցներ եւ ավիացիա, շփման գծի ամբողջ երկայնքով անցել են հարձակման՝ թիրախավորելով Արցախի Պաշտպանության բանակի մարտական դիրքերը, խաղաղ բնակավայրեր, այդ թվում՝ մայրաքաղաք Ստեփանակերտը, Շուշին, շրջկենտրոններ: Կողմերը 3 անգամ համաձայնության են հասել հումանիտար հրադադարի վերաբերյալ, սակայն այն չի պահպանվում։