Արդեն երրորդ օրն է, ինչ ադրբեջանա-արցախյան հակամարտության գոտու հարավային ուղղությամբ հակառակորդը ոչ միայն չի կարողանում զարգացնել նախօրերին ունեցած հաջողությունները, այլև որոշ հատվածներում՝ զիջելով դիրքերը, մեծ կորուստների գնով՝ անցել է պաշտպանության: Այդ մասին իր ֆեյսբուքյան էջում գրում է Պաշտպանության բանակի նախկին մամուլի խոսնակ Սենոր Հասրաթյանը։
«Այսօր գտնվելով մարտագծի Բերձոր-Իշխանաձոր մարտական գործողությունների շրջանում և ականատեսը լինելով մեր զորատեսակաների փայլուն պատրաստականությանը, համոզվեցի, որ ամեն ինչ արվում է այնպես, որպեսզի վերջնական արդյունքում ունենանք լիարժեք ՀԱՂԹԱՆԱԿ», -նշել է նա:
