Հյուսիսային Էպիրոսը Հունաստանի Արցախն է, բայց մենք այն չենք պաշտպանում հայերի նման
ՔԱՂԱՔԱԿԱՆՈՒԹՅՈՒՆ
Հույն պատմաբան և Բալկանյան մշակույթի դոկտոր Մելինա Կոնտաքսին greekcitytimes.com կայքում տեղադրված իր հոդվածում գրել է. «Մեր Արցախը Հյուսիսային Էպիրոսն է»: Ստորև ներկայացնում ենք հոդվածի ամբողջական տարբերակը:
Մեր Արցախը մեր Հյուսիսային Էպիրոսն է՝ հնագույն հունական շրջանը՝ չնայած օտարերկրյա ուժերը որոշեցին այն կտրել իր պատմությունից և տալ իրենց ստեղծած պետությանը` Ալբանիային:
Մեր տարբերությունը հայերից այն է, որ մենք վաճառեցինք Հյուսիսային Էպիրոսը, մինչդեռ նրանք պաշտպանում են Արցախը:
Մենք հեշտությամբ զոհաբերեցինք Հյուսիսային Էպիրոսը (Ալբանիային) և Մոնաստիրակին (Յուգոսլավիային), ցեղասպան Մուստաֆա Քեմալ Աթաթուրքին առաջադրեցինք Խաղաղության Նոբելյան մրցանակի համար, մենք անտարբեր էինք Իմվրոսում, Թենեդոսում և Պոլսում հույն փոքրամասնության դեմ կատարված ջարդերի նկատմամբ:
Մենք մոռացել ենք, որ պետությունը ստեղծվել է ոչ թե այսօր այնտեղ ապրող մարդկանց, այլ ազգի կողմից: Ի՞նչն է մարդկանց ստիպում մտածել, որ եթե նրա մի մասը զոհաբերվի, պետությունը կգոյատևի:
Նյութը հրապարակման պատրաստեց Լիլիթ Ամիրաղյանը
