Ռուսաստանի պետդումայում խոսել են Ղարաբաղյան հակամարտության ու հաստատված հրադադարի մասին

Ղարաբաղյան հակամարտության կարգավորման համար ԵԱՀԿ ՄԽ պոտենցիալը սպառված չէ, Ռուսաստանն այսուհետ ևս պատրաստ է գործադրել ջանքեր այդ ուղղությամբ: Այս մասին հայտարարել է ՌԴ պետդումայի միջագային հարցերի հանձնաժողովի նախագահ Լեոնիդ Սլուցկին, փոխանցում է ՏԱՍՍ-ը:

«ԵԱՀԿ ՄԽ պոտենցիալը դեռ սպառված չէ: Դրա բազայի կամ այլ բանակցային հարթակների բազայի վրա դեռ հնարավոր է արդյունավետ բանաձև գտնել ղարաբաղյան հակամարտությունը դիվանագիտական ճանապարհով լուծելու համար: Ռուսաստանն այսուհետ ևս պատրաստ է միջնորդական ջանքեր գործադրել»,-ասել է նա:

Սլուցկիի խոսքերով, մոսկվոյան պայմանավորվածությունը պետք է լուրջ քայլ լինի հայ-ադրբեջանական հակամարտության կարգավորման ճանապարհին. «Հիմա կարևոր է պահպանել հրադադարի ռեժիմը և վերադառնալ բանակցային սեղան, դուրս գալ ճգնաժամից»:

Ռուսաստանցի խորհրդարանականը նաև հավելել է, որ բոլոր ուժերը, այդ թվում՝ արտաքին, պետք է գիտակցեն, որ հակամարտությունը պետք է կարգավորվի խաղաղ ճանապարհով, առանց ուժային միջնորդության փորձի: