«Դանակարահել է ոչ թե մի թմրամոլ, այլ ոչ ավել, ոչ պակաս կրթության, սերնդի դաստիարակության թիվ 1 պատասխանատուն՝ դպրոցի տնօրենը». Նախկին նախարարի գրառումը

Արդարադատության նախկին նախարար, սահամանդրագետ Գևորգ Դանիելյանը ֆեյսբուքայն իր էջում գրում է․

«Խորանում ենք իրավունքի փիլիսոփայության մեջ, բարձր թեմաներից ենք խոսում ու… հանկարծ տեղեկանում ենք, որ հենց հիմա ծաղկուն տարիքի մի երիտասարդի դանակարահել է ոչ թե մի թմրամոլ, այլ ոչ ավել, ոչ պակաս կրթության, սերնդի դաստիարակության թիվ 1 պատասխանատուն՝ դպրոցի տնօրենը:

Ուղղակի թևաթափ ես լինում, որովհետև տասնյակ տարիների փորձն ու իրավագիտության դոկտորի գիտելիքներն անզոր են ըմբռնելու համար, թե ոնց է այդ կարգի մարդն ընդհանրապես դանակով ֆռֆռում: Բոլոր տնօրեններին, և ոչ միայն, մի լավ «ռեստարտ» անել է պետք …»։