Ես նորմալ եմ վերաբերվում ընդդիմադիրների կողմից կազմակերպվող հանրահավաքին

Վերջերս երեք ընդդիմադիր ուժեր հայտարարություն են տարածել, որ հոկտեմբերի 8-ին պատրաստվում են հանրահավաք անց կացնել և հայտնել իրենց դժգոհությունը։

Այս առիթով 1or.am-ը զրուցել է «Իմ քայլը» խմբակցության պատգամավոր Նիկոլայ Բաղդասարյանի հետ, հասկանալու համար, թե իշխանության ներկայացուցիչն ի՞նչ կարծիք ունի այդ թեմայով։

Հարցին, թե՝ ինչպես է վերաբերում երեք ընդդիմությունների կողմից նախատեսված հանրահավաքին պատգամավորը պատասխանեց․

« Շատ նորմալ եմ վերաբերվում, որ երեք ուժերը բարձրացնում են իրենց տեսակետը հրապարակային,  սակայն, կարծում եմ, որ իրենք օրակարգից դուրս են, բայց դա իրենց նախընտրած գործընթացն է, խոսքս մասնավորապես ԲՀԿ-ի մասին է»։

Այն հարցին, թե ինչպես է վերաբերում Նիկոլայ Բաղդասարյանը կառավարության հրաժարականի պահանջներին պատգամավորն ասաց․

«Այդ  ընթացակարգը արդեն նախատեսված է։ Պահանջը պետք է ձևակերպեն այդ ընթացակարգով, բայց քանի որ այդ ընթացակարգով չեն դիմել չեմ կարող կարծիք հայտնել։»։

Իսկ այն հարցին թե արդյոք պատգամավորը գոհ է այս ընդդիմությունից Նիկոլայ Բաղդասարյանը պատասխանեց․

«Ես այդպիսի գործուներություն չունեմ իրենցից գոհ կամ դժգոհ լինելու, իրենք պետք է գոհ կամ դժգոհ լինեն իրենց կատարած աշխատանքից»։

Սոնա Գիշյան