Անքնության առաջացման պատճառները. ինչպե՞ս հաղթահարել այն

Անքնությունը քնի խանգարում է, որին բնորոշ է քնի անբավարար տևողությունը, վատորակությունը կամ  նշանակալի ժամանակահատվածում դրանց համադրությունը: Նյութը վերցրել ենք ռուսական Lenta կայքից:

Անքնությունը հաղթահարելու համար հաճախ օգտագործում են քնաբեր դեղամիջոցներ: Սակայն դրանք վերացնում են ոչ թե պատճառը, այլ՝ ախտանշանները, ուստի նրանց տված արդյունքը ժամանակավոր է: Անքնության գլխավոր պատճառը հոգեբանական է. մարդը կենտրոնանում է խնդրի վրա: Ցերեկը, երբ անհրաժեշտ չէ քնել, նա չի մտածում քնի մասին, հանգիստ է, իսկ երեկոյան, երբ քնելու ժամանակը մոտենում է, նա սկսում է մտածել. «Երեկ ես չքնեցի, երեկ չէ առաջին օրը չեմ քնել, միգուցե այսօր էլ չկարողանամ քնել»: Նման մտքերից ու անհանգստություններից գերգրգռված վիճակ է առաջանում, և նա իսկապես չի քնում: Այս տեսակի անքնության բուժման համար կիրառվում են հոգեբանական տեխնիկաներ: Արդյունավետ է՝ հատկապես, կոգնիտիվ-վարքային թերապիան:

Անքնության ինքնուրույն հաղթահարման համար անհրաժեշտ է պահպանել քնի հիգիենան՝

• Պայմանական ռեֆլեքս ձևավորելու համար անհրաժեշտ է ֆիքսել քնելու և արթնանալու ժամանակը, որպեսզի գլխուղեղն անհրաժեշտ որոշակի ժամին պատրաստվի հանգստին:

• Քնի պայմանները պետք է հարմարավետ լինեն: Սենյակը չպետք է լինի լուսավոր, աղմկոտ, անկողինը պետք է հարմարավետ լինի:

• Քնից առաջ խորհուրդ է տրվում սահմանափակել մտավոր և ֆիզիկական ակտիվությունը: Հաճախ հանդիպող սխալն անկողնում համացանցով զբաղվելը կամ գիրք կարդալն է: Հենց որ մարդը պառկում է, նրա մոտ պետք է աշխատի քնի ռեֆլեքսը: Բայց երբ պառկում և սկսում են հեռուստացույց դիտել կամ համացանցով զբաղվել, գլխուղեղը շարունակում է ակտիվորել աշխատել:

• Խորհուրդ է տրվում քնից առաջ բուսական թեյ խմել: Եթե կատվախոտը (валерьяна) որոշակիորեն օգնում է հաղթահարել անքնությունը, ապա թեյախմության գործընթացը ինքնին հանգստացնում, տրամադրում է հանգստի:

Նյութը հրապարակման պատրաստեց Լիլիթ Ամիրաղյանը

www.1or.am