Մեդվեդևն առաջարկում է Ռուսաստանում հիմնական եկամուտ ներմուծել
ՔԱՂԱՔԱԿԱՆՈՒԹՅՈՒՆ
Ռուսաստանի անվտանգության խորհրդի ղեկավարի տեղակալ Դմիտրի Մեդվեդևն առաջարկել է մտածել երկրում հիմնական երաշխավորված եկամուտ ներմուծելու մասին: Այս մասին նա հայտարարել է «Единая Россия» կուսակցության (որի նախագահն ինքն է) ղեկավարության հետ առցանց հանդիպման ժամանակ: Տեղեկատվությունը ստացվել է «РИА Новости»-ից:
Նախկին վարչապետը նշել է, որ խոսքը գնում է նվազագույն գումարի մասին, որը պետք է ստանա ցանկացած քաղաքացի՝ անկախ իր գործունեության տեսակից, ինչպես նաև սոցիալական և տնտեսական կարգավիճակից:
Հանդիպումը նվիրված է եղել կուսակցության սոցիալական նախաձեռնություններին: Մեդվեդևն անհրաժեշտ է համարել վերլուծել այլ պետություններում արդեն գոյություն ունեցող «մի քանի նոր կառույցների մոտեցումները»:
Մեդվեդևը նշել է, որ կորոնավիրուսային համաճարակը ցույց է տվել սոցիալական կայունության համար մարդկանց աջակցելու կարևորությունը՝ շեշտելով, որ երաշխավորված եկամտի գաղափարն արժանի է ուշադրություն:
2019 թվականի ամռանը Մեդվեդևն արդեն առաջարկել է Ռուսաստանում ներմուծել քառօրյա աշխատանքային շաբաթ: Նա նշել է, որ լրացուցիչ հանգստյան օրը կարող է բարձրացնել աշխատանքի արդյունավետությունը և արտադրողականությունը:
Նյութը հրապարակման պատրաստեց Լիլիթ Ամիրաղյանը
