Պարետի այդ որոշման համար հիմք է պետք

1or.am կայքի զրուցակիցը բժիշկ Արմեն Օհանյանն է։

-Պարոն Օհանյան, շուտով դպրոցներում կմեկնարկեն դասերը ,սակայն ՀՀ առողջապահության նախարարը երկարտև արձակուրդ է գնում, ձեր կարծիքը այդ թեմայով:

— Կարծում եմ, որ դրանք իրար հետ անկեղծ ասած ոչ մի կապ չունեն։ Նախարարը՝ ինչպես ցանկացած աշխատող, իրավունք ունի իր հանգստից օգտվի և գնա արձակուրդի։ Եվ եթե նախարարի աշխատանքը արդյունավետ ենք գնահատում՝ այն կարող է լավ կամ վատ լինի, ուրեմն այս դեպքում նախարարը պետք է այնպես հրահանգավորած լինի իր աշխատակազմին, որպեսզի իրենք կարողանան փոխարինել։ Եվ եթե լինի որևէ խնդիր, կարծում եմ, նախարարը հետ կվերադառնա արձակուրդից։ Չեմ կարծում, որ նրա բացակայությունը որևէ խնդիր ստեղծի։

-Վերջերս պարետի նոր որոշման համաձայն մի շարք պաշտոնատար անձիք ազատվել են դիմակ կրելու պարտավորությունից։ Ինչպես կմեկնաբանեք այդ որոշումը։

— Առհասարակ գաղափարը ինձ անհասկանալի է, որովհետև իմ տեսակետից նման բան լինել չի կարող։ Պարետը չլինի, ով ուզում է լինի, չի կարող ինչ-որ մեկին լիազորի պահպանել հակահամաճարագային միջոցառումները, իսկ ինչ-որ մեկին թույլ տա չպահպանել։ Նման բան լինել չի կարող, քանի որ անձը ուղղակի ոչնչով չի տարբերվում, այսինքն եթե ասեիք, որ պարոն Փաշինյանը հիվանդացել և լավացել է դրա համար կարող է չկրել դիմակ, նույն կերպ պետք է բոլոր մարդիկ չկրեն։ Այդ որոշման համար հիմք է պետք:Վերցնել անհատներ և ասել, որ իրենց ազատում ենք դիմակ կրելու պարտավորությունից՝ դա պարզապես ափսուրդ է։