«Մանչեսթեր Սիթին» 500 միլիոն եվրոյի պայմանագիր է առաջարկում Մեսսիին
ՍՊՈՐՏ
Անգլիական «Մանչեսթեր Սիթին» պատրաստ է իսպանական «Բարսելոնայի» ֆուտբոլիստ Լիոնել Մեսսիին առաջարկել հինգ տարվա պայմանագիր, համաձայն որի նա կստանա 500 միլիոն եվրո, հայտնում է Sport.es-ը: Ըստ աղբյուրի՝ Մեսսիի տարեկան աշխատավարձը «Սիթիում» կկազմի 50 միլիոն եվրո: Ըստ այդ պայմանագրի՝ 33-ամյա արգենտինացին երեք մրցաշրջան կանցկացնի անգլիական ակումբում, որից հետո կտեղափոխվի «Նյու Յորք Սիթի», որի համար կխաղա ևս երկու տարի: Մեսսին նաև 250 միլիոն եվրո բոնուս կստանա MLS ակումբին միանալու համար:
