Մինի-փանքեյքներ, որոնք կարող են փոխարինել սովորական յուղաբլիթներին
ԱՄԵՆԱԸՆԹԵՐՑՎԱԾ
Թրենդային են համարվում մինի-փանքեյքները, որոնք Լոս Անջելեսի և Լոնդոնի սրճարաններում մատուցվում են վանիլային սոուսով ու հատապտուղներով:
Ձեզ ենք ներկայացնում բաղադրատոմս, որի օգնությամբ կկարողանաք մինի –փանքեյքները պատրաստել տնային պայմաններում:
Բաղադրություն՝
- Ալյուր – 160 գ
- Փխրեցուցիչ – 6 գ
- Սոդա – 2 գ
- Աղ – 2 գ
- Շաքարավազ – 35 գ
- Կաթ – 225 մլ
- Լիմոնի հյութ կամ կեֆիր – 35-100 մլ
- Ձու – 2 հատ
- Սերուցքային կարագ – 25 գ
Պատրաստման եղանակ՝
- Կաթին ավելացնել լիմոնի հյութը կամ կեֆիրը, թողնել 10 րոպե:
- Սերուցքային կարագը հալեցնել:
- Ալյուրը մաղել, ավելացնել մյուս չոր բաղադրիչները՝ փխրեցուցիչը, սոդան, շաքարավազը և աղը, լավ խառնել:
- Կաթնային զանգվածին ավելացնել ձվերը, այնուհետև այն լցնել չոր բաղադրիչների վրա և հարիչի օգնությամբ լավ հարել:
- Աստիճանաբար ավելացնել սերուցքային կարագը և խառնել այնքան, մինչև ստացվի միատարր զանգված:
- Խմորը տեղավորել խոհարարական պարկում, ապա փոքր չափաբաժիններով լցնել լավ տաքացած թավայի մեջ: Խմորի վրա անցքեր առաջանալուն պես՝ շրջել:
- Մինի-փանքեյքները մատուցել մեղրով (կամ օշարակով), հատապտուղներով և մրգերով:
Նյութը հրապարակման պատրաստեց Լիլիթ Ամիրաղյանը:
