Լուկաշենկոն բելառուսներին կոչ է անում ներել անվտանգության աշխատակիցների սխալները
ՔԱՂԱՔԱԿԱՆՈՒԹՅՈՒՆ
Բելառուսի նախագահ Ալեքսանդր Լուկաշենկոն բնակչությանը կոչ է արել ներել ցույցերի ընթացքում անվտանգության աշխատակիցների կատարած սխալները:
«Լեհաստանի՛ թիմ, մենք ունենք այդ բոլոր հեռախոսային խոսակցությունները՝ «Ճնշե՛լ ոստիկաններին»: Ինչի՞ համար: Ի՞նչ եք անելու, եթե փողոցներում ավազակություն սկսվի: Որտե՞ղ եք զանգահարելու՝ 01 ,02, 03, թե՞ 101, 102, 103: Մի՛ կործանեք այդ մարդկանց: Սրանք ձեր մարդիկ են: Եթե անգամ ինչ-որ տեղ սխալվել են, ներե՛ք նրանց», - ասել է Լուկաշենկոն:
Նա ավելացրել է, որ լուսանկարների 60%-ը, որոնցում մարդիկ ցույց են տալիս անվտանգության աշխատակիցների կողմից ծեծի ենթարկվելու արդյունքում ստացած կապտուկները, կեղծ են:
Ավելի վաղ Բելառուսի Ներքին գործերի նախարարությունը հայտնել է քաղաքացիների կողմից նրանց հարազատների և ծանոթների անհետացման հարյուրավոր հայտարարությունների մասին:
Նյութը հրապարակման պատրաստեց Լիլիթ Ամիրաղյանը:
