Խոշոր ավտովթար Երեւանում․ 7 վիրավորներից 3-ը երեխաներ են
ՀԱՍԱՐԱԿՈՒԹՅՈՒՆ
Խոշոր ավտովթար է տեղի ունեցել Երևանում: Այսօր՝ օգոստոսի 19-ին, ժամը 20:30-ի սահմանում Գարեգին Նժդեհ-Սևանի փողոցի խաչմերուկում բախվել են BMW X5 մակնիշի 51 OA 100 համարանիշի և Audi ՏB մակնիշի 91 CH 100 համարանիշի ավտոմեքենաները:
Ըստ SHAMSHYAN.com-ի՝ վթարի հետևանքով կա 7 վիրավոր, որոնցից 3-ը՝ երեխաներ: Վիրավորներից 2 հոգի մարմնական վնասվածքներով տեղափոխվել են «Սուրբ Աստվածամայր» բուժկենտրոն, 5 հոգի էլ «Էրեբունի» ԲԿ: Վիրավորներին առաջինը օգնության են հասել վթարի հարևանությամբ գործող ավտոպահեստամասերի կետի աշխատակիցները և բարձրահարկ շենքում բնակվող բնակիչներն ու այնուհետև ժամանած ԱԻՆ-ի փրկարար ծառայության հրշեջ-փրկարարները, Երևանի 1-03 շտապօգնության բժիշկների հերթապահ խմբերը:
Բախման հետևանքով Audi-ն դուրս է եկել երթևեկելի գոտուց և բախվել «Արտ Մոթորս» ՍՊԸ-ի աստիճաններին ու պատին: Դեպքի վայր են ժամանել ճանապարհային ոստիկանության ծառայողները: Փաստի առթիվ նյութեր են նախապատրաստվում: Ավտոմեքենաները տեղափոխվում են Երևանի ՃՈ պահպանվող հատուկ տարածք: Ոստիկանությունը պարզում է վարորդների և վիրավորների ինքնությունը: Նշված հատվածում էլ երթևեկությունը դարձել է միակողմանի և տեղում ուժեղացված ծառայություն են կատարում ճանապարհային ոստիկանները:
