2020 թվականի ամռան Թոփ-5 հայտնագործությունները
ՀԱՍԱՐԱԿՈՒԹՅՈՒՆ
2020 թվականի ամռանը կատարվել են մարդկության համար օգտակար հայտնագործություններ, որոնցից առանձնացրել ենք թոփ հնգյակը՝
1. Starship SN5 – Իլոն Մասկի կողմից ներդրում տիեզերքի ուսումնասիրության մեջ
2020 թվականի օգոստոսի 4-ի գիշերն ու օգոստոսի 5-ին Իլոն Մասկը Starship SN5 հրթիռի բարեհաջող փորձարկումներ է արել: Իլոնը Twitter-ի իր էջում նշել է, որ Մարսն ավելի իրատեսական է դառնում, հավանաբար նկատի ունենալով, որ դեպի Երկրի հարևան մոլորակ մարդկանց թռիչքները ոչ այնքան հեռավոր ապագայում կիրագործվեն:
2. Մարսագնաց Perseverance-ը
Perseverance մարսագնացը 2020 թվականի հուլիսի 30-ին թռել է Մարս՝ ուսումնասիրելու կարմիր մոլորակը: Շատերը երազում են Մարս մոլորակում բնակություն հաստատելու մասին: Սպասենք մարսագնացի մասին նորությունների:
3. C-FACE – հեռախոս, դիմակ և թարգմանիչ
Կորոնավիրուսային համաճարակի պայմաններում հարց է առաջանում՝ մի՞թե բջջային հեռախոսը չի նպաստի վարակի տարածմանը, քանի որ միշտ չէ, որ էկրանն ախտահանում ենք:
Ճապոնական ստարտափ Donut Robotics-ը աշխարհին ներկայացրել է C-FACE «խելացի» դիմակը: Վերջինս bluetooth-ի միջոցով միանում է սմարթֆոնին՝ հնարավորություն տալով զանգեր կատարել կամ բառերը թարգմանել 9 լեզուներով՝ ճապոներեն, չինարեն, անգլերեն, ֆրանսերեն, իսպաներեն, ինդոնեզերեն, կորեերեն, թայվաներեն և վիետնամերեն: Առաջին դիմակները ճապոնական շուկայում կհայտնվեն 2020 թվականի սեպտեմբերին, իսկ մյուս երկրներում դրանք կհայտնվեն 2021 թվականի առաջին քառորդը:
4. Ռոբոտ շուն Spot-ն օգնում է կորոնավիրուսի դեմ պայքարում
Boston Dynamics ընկերության ստեղծած Spot ռոբոտ շունն օգնում է համավաճարակի դեմ պայքարում: Նրա միջոցով Սինգապուրի իշխանությունները հետևում են հասարակական վայրերում հեռավորության կանոնների պահպանմանը: Այգով քայլելով՝ ռոբոտն օպերատորի ձայնով դիմում է մարդկանց ասելով. «Եկեք Սինգապուրն առողջ պահենք: Ձեր և Ձեր շրջապատի առողջության համար, խնդրում եմ, միմյանցից ամենաքիչը 1 մետր հեռավորություն պահպանեք: Շնորհակալություն»: Ըստ տվյալների՝ ռոբոտի կոչերն իշխանությունների կոչերից ավելի արդյունավետ են:
5. Leaf թափանցիկ դիմակներ
Կորոնավիրուսի դեմ կիրառվող յուրօրինակ դիմակների շարքում առանձնանում է Leaf մոդելի դիմակը, որը շուտով կարող է թրենդի վերածվել: Թափանցիկ դիմակը գրեթե ամբողջությամբ պատրաստված է սիլիկոնից և ունի HEPA-ֆիլտր, որն օդը մաքրում է անգամ ամենամանր փոշեհատիկներից: Միակ բացասական կողմն այն է, որ դիմակը գրեթե 50 դոլար է:
Նյութը հրապարակման պատրաստեց Լիլիթ Ամիրաղյանը:
