Ինչ չէին կիսում Բեգլարյանն ու քաղաքական դաշտ վերադարձող Վարդանյանը տարիներ առաջ
ՎԵՐԼՈՒԾՈՒԹՅՈՒՆՆԵՐ
Արսեն Սանամյանը ֆեյսբուքյան իր էջում գրում է.
Վերջին օրերին մամուլում հրապարակումներ են եղել այն մասին, որ երիտասարդ գործարար Արման Վարդանյանը որոշել է «Միասնություն» ազգային համաձայնության շարժում ստեղծել: Ըստ մամուլում և սոցցանցերում եղած հրապարակումների Արման Վարդանյանի շուրջն են հավաքվել քաղաքական և հասարակական մի շարք գործիչներ:
Շատերի մոտ հարց է առաջանում, թե ո՞վ է Արման Վարդանյանը: Ես ճանաչում եմ Վարդանյանին 2009 թվականից: Հիշում ե՞ք, որ 2009 թվականին Երևանի քաղաքապետ ընտրվեց Գագիկ Բեգլարյանը:
Արման Վարդանյանն էլ այդ ժամանակ Երևանի քաղաքապետարանի խմբակցություններից մեկի ղեկավարն էր: Այդ ընթացքում նոր-նոր քաղաքական դաշտում քայլեր անող Վարդանյանը աչքի ընկավ նրանով, որ մեն-մենակ դեմ դուրս եկավ այն ժամանակ ավելի շատ ազդեցություն, իշխանություն ունեցող Բեգլարյանին:
Հիմա քաղաքական դաշտ է վերադառնում մարդ, ով կարողացել է պայքարել ազդեցիկ մարդու դեմ և այդ ամենն արել է հանուն գաղափարի : Հանուն գաղափարի ոչինչ հաշվի չառավ և դուրս եկավ պայքարի պետական հիրարխիկ բուրգի վառ ներկայացուցչի հետ:
Հետագայում Արման Վարդանյանը հիմնադրեց «Ինթերնեյշնլ Մեդիա Հոլդինգ»-ը, որի կազմի մեջ են մտնում Հայաստանում ամենահաջողված մի քանի լրատվական կայքեր:
Ինչ վերաբերվում է նոր ստեղծվող ուժին: Անունը՝ «Միասնություն», գաղափարը՝ ազգային համաձայնություն: Մեզ երկար տարիներ հենց միասնությունն է պակասել: Միասնություն ազգային գաղափարների շուրջ, և այդ ամենը երիտասարդների կոնսոլիդացիայով:
Պետք է հասարակությունը գնահատի և հավատա նոր եկող այս տղերքին:
