Ո՞վ է պատասխան տալու այս փնթիության համար
ՀԱՍԱՐԱԿՈՒԹՅՈՒՆ
ՏՏ անվտանգության փորձագետ Սամվել Մարտիրոսյանը ֆեյսբուքյան իր էջում գրել է, թե Ադրբեջանը հանրայնացրել է կորոնավիրուսով վարակված հայաստանցիների և նրանց կոնտակտավորների տվյալներ:
Ադրբեջանցիները կորոնայով հիվանդների/կոնտակտավորների հայաստանցիների տվյալներն են հանրայնացրել, մոտ 3500 մարդ:
Գոնե իմ տպավորությունն այնպիսին է, որ մեր հարևան/ հակառակորդներին այս բազան հասու է դարձել այն համակարգի «օգնությամբ», որով տվյալներ հավաքվեցին մեր հեռախոսների միջոցով մեզ տեղորոշելու օրենքով։ Այդ օրենքն հակասահմանադրական էր ու արտակարգ դրության պայմաններում կառավարության ամենասկանդալային նախաձեռնություններից մեկն էր։
Կառավարությունը մեզ ասում էր, որ մեր անձնական տվյալների գաղտնիությունը երշախավորում է, սակայն դրանք հայտնվեցին ադրբեջանցիների ձեռքում։
Կառավարությունը մեզ ասում էր, որ այդ տվյալներն անհրաժեշտ են կորոնավիրուսի դեմ պայքարելու համար, սակայն պարզվեց՝ դրանք հռչակված նպատակին ոչ միայն չծառայեցինն, այլ հայտնվեցին հակառակորդների ձեռքում։
Ո՞վ է պատասխան տալու այս փնթիության համար, այս ամենից արդեն ոչ պետական վիճակի հոտ է գալիս։
