«ՀԺ»․ Ուշագրավ զարգացում. «Կաբելի տղերքին» հայտնաբերել են Գագիկ Բեգլարյանի եղբոր հյուրանոցում

«Հայկական ժամանակ» թերթը գրում է. «Երեկ ՀՀ ոստիկանությունը առաջին հայացքից սովորական, շարքային մի հաղորդագրություն է տարածել, ըստ որի՝ ձերբակալվել են մոտ մեկ տարի առաջ հանցագործություն կատարած եւ այս ընթացքում հետախուզման մեջ գտնվող երկու անձ:

Խոսքը 2015 թվականի հոկտեմբերին Երեւանի Մովսես Խորենացի փողոցում գործող բուքմեյքերական գրասենյակում 4 հոգու հրազենային վնասներ պատճառած եւ փախուստի դիմած Գեւորգ եւ Հենրիկ Բաղդասարյանների (մականունները «Կաբելի տղերք») մասին է:

Իրականում սա շատ ուշագրավ իրադարձություն է: Խնդիրն այն է, որ այս անձինք ՀՀ կապի եւ տրանսպորտի նախկին նախարար Գագիկ Բեգլարյանի շրջապատից են: Բայց սա դեռ ամենը չէ: «2016 թվականի հոկտեմբերի 6-ին, ... նրանք հայտնաբերվել են Երեւանի Ծիծեռնակաբերդի խճուղում գտնվող մի շինությունում եւ բերման ենթարկվել»,- նշված է հաղորդագրության մեջ: Այդ «մի շինությունը» այսպես կոչված սպորտբազա-հյուրանոցն է, որը, ըստ մեր հավաստի տեղեկությունների, պատկանում է Գագիկ Բեգլարյանի եղբորը` Յուրա Բեգլարյանին:

Ենթադրվում է, որ հետախուզման մեջ գտնվելու ընթացքում նրանք «ապաստանել են» հենց այստեղ: Իսկ դա նշանակում է, որ հետախուզվողներին թաքցնող անձանց հայտնաբերելիս հետաքրքիր բացահայտումներ կարող են լինել: Եթե, իհարկե, փնտրեն թաքցնողներին»:

Առավել մանրամասն՝ թերթի այսօրվա համարումf