Դանակահարություն Վարդենիսում. կա 2 տուժած
ԻՐԱՎՈՒՆՔՍոթք գյուղի 49-ամյա բնակիչը, կենցաղային հարցերի շուրջ ծագած վիճաբանության ժամանակ, իր տան հարակից ավտոտնակում ձեռքին եղած դանակով հարվածել է բուժօգնության տեղափոխված քաղաքացիներին՝ պատճառելով մարմնական վնասվածքներ: Այս մասին տեղեկանում ենք Ոստիկանության լրատվության ծառայությունից։
Հունվարի 26-ին ոստիկանության Վարդենիսի բաժնում հաղորդում է ստացվել, որ Վարդենիսի Սոթք գյուղում կռիվ է: Նույն օրը ոստիկանությունում հաղորդումներ են ստացվել նաեւ բժշկական 2 հաստատությույուններից։ Հայտնում էին, որ «որովայնի ստորին շրջանի, կրծքավանդակի ձախ կողային մակերեսի կտրած-ծակած վերքեր, պարանոցի շրջանի քերծված վերքեր» ախտորոշմամբ բուժօգնության է տեղափոխվել Սոթք գյուղի 45-ամյա մի բնակիչ։ Մեկ ուրիշ բժշկական հաստատությունից հայտնում էին, որ «պարանոցի շրջանի կտրած, պատռած վերքեր» ախտորոշմամբ իրենց մոտ բուժօգնության է դիմել նույն գյուղացի՝ 51-ամյա մի տղամարդ։
Հանցագործության գործիք հանդիսացող դանակն առգրավված է:
Տղամարդը ձերբակալվել է: Կատարվում է քննություն։
