Մեսի. Ավելի քիչ եմ սկսել մտածել գոլեր խփելու մասին
ՍՊՈՐՏԿատալոնական «Բարսելոնայի» և Արգենտինայի ազգային հավաքականի առաջատար Լիոնել Մեսին հայտարարել է, որ իր համար գոլեր խփելն այլևս առաջնային խնդիր չէ:
«Ես ավելի քիչ եմ սկսել մտածել գոլեր խփելու մասին: Ավելի շատ նահանջում եմ և փորձում եմ գոլային պահեր ստեղծել, այլ ոչ թե եզրափակել դրանք:
Ես Իսպանիայի առաջնության պատմության լավագույն ռմբարկուն եմ և այդ ռեկորդը համարում եմ իմ կարիերայի լավագույն ռեկորդներից մեկը»,- Մեսիի խոսքը փոխանցում է DAZN-ը:
Ընթացիկ մրցաշրջանում 32-ամյա հարձակվողը «Բարսելոնայի» կազմում մասնակցել է 20 հանդիպման՝ դառնալով 16 գոլի և 6 գոլային փոխանցման հեղինակ:
