Մարտունի-Սևան ավտոճանապարհին «BMW»-ն դուրս է եկել երթևեկելի հատվածից, հայտնվել անտառածածկ տարածքում և բախվել ծառին. կան տուժածներ
ՀԱՍԱՐԱԿՈՒԹՅՈՒՆԴեկտեմբերի 26-ին, ժամը 23:19-ին «911» ծառայություն տեղեկություն է հաղորդվել, որ Գեղարքունիքի մարզի Գետաշեն գյուղում՝ շուկայի մոտակայքում, տեղի է ունեցել ՃՏՊ, կա տուժած: Այս մասին հայտնում են ԱԻՆ-ից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Մարտունի-Սևան ավտոճանապարհի մոտ 5-րդ կմ-ին «BMW» մակնիշի ավտոմեքենան (վարորդ՝ Շիրազ Ա., ծնված 1983 թ.) դուրս է եկել ճանապարհի երթևեկելի հատվածից, հայտնվել անտառածածկ տարածքում և բախվել ծառին:
Մինչ փրկարարների՝ կանչի վայր հասնելն ավտոմեքենայի ուղևորները՝ Ռազմիկ Ա.-ն (ծնված 1994 թ.) և Արտակ Ա.-ն (ծնված 1985 թ.), քաղաքացիների ուժերով տեղափոխվել են Մարտունու ԲԿ, որտեղ բժիշկները Արտակ Ա.-ի առողջական վիճակը գնահատել են ծանր, իսկ Ռազմիկ Ա.-ինը՝ բավարար:
Փրկարարները հոսանքազրկել են ավտոմեքենան և փակել գազի բալոնի փականը:
