Ոստիկանության կողմից քաղաքացիներին գաղտնալսելը պետք է լինի հանրային վերահսկողության ներքո. փորձագետ
ՀԱՍԱՐԱԿՈՒԹՅՈՒՆՈստիկանության կողմից Հայաստանի քաղաքացիների հեռախոսային խոսակցությունները գաղտնալսելու մասին օրենքը Ազգային անվտանգության ծառայությանը կզրկի քաղաքացիների մասին ավելորդ տեղեկություններ ստանալու հնարավորությունից, ինչը նրան անհրաժեշտ չէ, եւ սա, անկասկած, դրական է: Սակայն խնդիրն այն է, եր երբ գործիքներ են տրամադրվում, անհրաժեշտ են հանրային վերահսկողության մեխանիզմներ, որ խուսափենք հնարավոր ոչ իրավաչափ գործողություններից եւ ապօրինի գաղտնալսումներից: Այս մասին դեկտեմբերի 18-ին լրագրողների հետ հանդիպման ժամանակ ասաց տեղեկատվական անվտանգության հարցերով փորձագետ Սամվել Մարտիրոսյանը:
Նրա խոսքով՝ առայժմ միակ զսպող գործոնը դատարանի որոշումն է: «Որպես լրացուցիչ մեխանիզմ կարելի է խորհրդարանում հատուկ հանձնաժողով ստեղծել»,- նշեց նա:
Նշենք, որ օրենքը Հայաստանի Ոստիկանությանը հնարավորություն է ընձեռել ինքնուրույն իրականացնել քաղաքացիների հեռախոսային խոսակցությունների գաղտնալսումը, որոնք այս կամ այն գործով որպես կասկածյալ են անցնում:
