Բրիտանական թանգարանում ցուցադրելու են աշխարհում առաջին մեկանգամյա օգտագործման սպասքը
ՄՇԱԿՈՒՅԹԲրիտանական թանգարանում այս ուրբաթ ցուցադրելու են Մինոյան քաղաքակրթության ժամանակների կավե գավաթներ, որոնք հնագիտական հետազոտության արդյունքներով իրենցից ներկայացնում են աշխարհում առաջին մեկանգամյա օգտագործման սպասք, հայտնում է The Guardian-ը:
Ավելի քան 3,5 հազար տարի առաջ պատրաստված հին առարկաները հայտնաբերել են հունական Կրետե կղզում Կնոսոսի պալատի պեղումների ժամանակ:
«Մարդիկ կարող են շատ զարմանալ՝ իմանալով, որ մեկանգամյա օգտագործման բաժակներն առաջին անգամ հայտնվել են խոր հնադարում: Մինոյացիները սիրում էին մասշտաբային երեկույթներ եւ տենակատարություններ կազմակերպել, եւ ինչպես մեր ժամանակներում շատերը, նույնպես չէին ցանկանում սպասքը լվանալ»,- ասել է ցուցադրության կուրատոր Ջուլյա Ֆարլին:
Կազմակերպիչները հույս ունեն, որ ցուցահանդեսը այցելուներին կստիպի մտածել այն մասին, թե ինչպես նվազեցնեն աղբի մակարդակը:
«Այսօր աշխարհում տարեկան արտադրվում է ավելի քան 300 մլրդ թղթե բաժակ: Մինոյան քաղաքակրթությունը չնչին է՝ հիմա գոյություն ունեցող գլոբալ սպառողական տնտեսության համեմատությամբ»,- ընդգծել է Ֆարլին:
