Գլխավոր դատախազությունում հարուցվել է քրեական գործ ավագանու թեկնածուին առեւանգելու դեպքի առթիվ
ՊԱՏՄՈՒԹՅԱՆ ԱՅՍ ՕՐԸ
Արմավիրի մարզի Էջմիածին քաղաքի ավագանու թեկնածուի հաղորդման հիման վրա հարուցվել է քրեական գործ ավագանու թեկնածուին առեւանգելու դեպքի առթիվ։
Գլխավոր դատախազության մամուլի ծառայությունից հայտնում են, թե քրգործը հարուցվել է 2016 թվականի սեպտեմբերի 17-ին ՀՀ գլխավոր դատախազության հատկապես կարեւոր գործերով քննության վարչությունում՝ ՀՀ քրեական օրենսգրքի 131-րդ հոդվածի 2-րդ մասի 1-ին կետով եւ 149-րդ հոդվածի 2-րդ մասի 3-րդ եւ 5-րդ կետերով նախատեսված հանցագործությունների հատկանիշներով՝ մի խումբ անձանց կողմից նախնական համաձայնությամբ բռնություն գործադրելու եւ դրա սպառնալիքի միջոցով ավագանու թեկնածուին առեւանգելու եւ վերջինիս ընտրական իրավունքների իրականացմանը խոչընդոտելու առերեւույթ հանցագործությունների դեպքերի առթիվ:
Հարուցված քրեական գործն ուղարկվել է ՀՀ հատուկ քննչական ծառայություն՝ նախաքննություն կատարելու համար:
Միաժամանակ հանձնարարվել է անհապաղ ձեռնարկել անհրաժեշտ օպերատիվ-հետախուզական եւ քրեադատավարական միջոցներ՝ ուղղված հնարավորինս սեղմ ժամկետում հանցանք կատարած անձանց եւ հանցագործության բոլոր հանգամանքների բացահայտմանը:
