Տնտեսական հեղափոխությանն ուղղված Գ.Ծառուկյանի քայլերը շարունակական են. բացվեց «Մուլտի Գոլդ» ոսկու շուկան
ՀԱՍԱՐԱԿՈՒԹՅՈՒՆ
Զավեն Նավասարդյանը ֆեյսբուքյան իր էջում գրում է
Ամիսներ առաջ բոլորիս հայտնի «Առինջ մոլ»-ի հարևանությամբ կառուցվեց իր շքեղությամբ աչքի ընկնող «Մուլտի Գոլդ» ոսկերչական կենտրոնը, որն այսօր իր դռները բացեց այցելուների առջև: Օրեր առաջ «Մուլտի Գոլդ» ոսկերչական կենտրոնում տեղի ունեցավ վիճակահանություն, որի ժամանակ ոսկու, թանկարժեք քարերի և մետաղների առևտրով զբաղվող հազարից ավել ձեռներեցներ մասնակցություն ունեցան վիճակահանությանն ու ընթացքում էլ ծանոթացան իրենց նոր տաղավարներին: Կարևոր է նշել այն, որ այս կառույցի սեփականատեր Գագիկ Ծառուկյանի առաջարկով բոլոր տաղավարները ձեռներեցներին կտրամադրվեն բացարձակ անվճար մեկ տարի ժամկետով: Այս ամենի նպատակը միայն մեկն է՝ փոքր ու միջին բիզնեսի ներկայացուցիչներին ցուցաբերել աջակցություն, որպեսզի նրանք կարողանան որոշ չափով թեթևացնել իրենց ֆինանսական հոգսերը: Հարկ է նշել, որ ոսկերչական կենտրոնում ոչ միայն կվաճառվեն ոսկուց կամ այլ մետաղից պատրաստված ապրանքները, այլ հնարավորություն կտրվի այն պատրաստել տեղում, իսկ սա միանշանակ խթան կհանդիսանա հայկական ապրանքի զարգացմանն ու մեծ վաճառքին: Սա ևս կարելի է համարել «տնտեսական հեղափոխության» մի փոքր, բայց շատ կարևոր մաս, քանի որ այս հսկա կառույցը ՓՄՁ ներկայացուցիչների համար բիզնեսը զարգացնելու լավագույն հնարավորությունն է:
