ԲՀԿ մոտեցումը կապված ՍԴ նախագահի լիազորությունները դադարեցնելու նախագծին իրավաչափ է

Լիանա Գալստյանն իր ֆեյսբուքյան էջում գրում է.

Այսօր՝ ԱԺ ում տեղի ունեցած ճեպազրույցի ընթացքում, Գագիկ Ծառուկյանը ներկայացրեց ԲՀԿ-ի դիրքորոշումը կապված Հրայր Թովմասյանին ՍԴ նախագահի լիազորություններից զրկելու նախագծի հետ: Ըստ այդմ ԲՀԿ-ն չի մասնակցելու այդ նախագծի վերաբերյալ քվերակությանը քանի որ, նախ և առաջ, բավարար իրավական հիմքեր չեն տեսնում, և հետո Հրայր Թովմասյանի ՍԴ նախագահի պաշտոնից ազատելու որոշումը դրված է ՍԴ-ի իրավասության տիրույթում, ուստի այդ նախագծի իրավական հեռանկարը հասկանալի չէ: ԲՀԿ պատգամավոր Գևորգ Պետրոսյանի կողմից բազմիցս հնչեցվել է, որ ՍԴ-ի հետ կապված խնդիրները դրանք համակարգային են և չեն լուծվի միայն Հրայր Թովմասյանին հեռացնելով: Նա արդարացիորեն նշել է, որ պետք են համակարգային լուծումներ: ԵՎ իրոք ՍԴ խնդիրը ամբողջ դատական համակարգում առկա խնդիրներից մեկն է միայն և Աժ-ն պետք է զբաղվի դատական համակարգի խնդիրների համակարգային լուծումներով, այլ ոչ թե Հրայր Թովմասյանի ճակատագրով: Այսինքն ԲՀԿ-ի դիրքորոշումը միանգամայն հիմնավորված է և հասկանալի: Սակայն, ինչպես հաճախ է լինում հայաստանյան իրականության մեջ, ԲՀԿ-ի այս որոշումը ևս որոշ լրատվականներ փորձել են սխալ մեկնաբանել: Փաստ է, որ Հրայր Թովմասյանին ՍԴ նախագահ նշանակելու որոշմանը ԲՀԿ ն դեմ է քվեարկել և դժվար չէ հասկանալ որ ԲՀԿ ևս կողմ չէ Հրայր Թովմասյանի ՍԴ նախագահի պաշտոնին, բայց որպես կայացած քաղաքական ուժ և իրավական երկիր ունենալու ջատագով առաջարկում է նման խնդիրների լուծման համակարգային-ինստիտուցիոնալ որոշումներ ընդունել: