Կարևոր խորամանկություններ, և դու կպարզես՝ Նա սիրահարվա՞ծ է, թե՞ հրապուրված
ԱՄԵՆԱԸՆԹԵՐՑՎԱԾ
Սիրահարված ու պարզապես հրապուրված տղամարդու միջև բավականին մեծ տարբերություն կա: Քնքուշ Ռոմեոյի հետ ձեր սիրավեպը, բնականաբար, 100%-ով տարբերվելու է կրքոտ Դոն Ժուանի հետ սիրավեպից: Ուստի, կնոջ գլխավոր խնդիրներից է չշփոթել այս երկու հերոսներին:
Նա սիրահարված է, եթե.
• Հավաստիացնում է, որ բոլոր հոլիվուդյան գեղեցկուհիներն իր համար նույն արտաքինն ունեն:
• Խոստովանում է, որ իր նախկին սիրավեպերն այնքան էլ հաջող չեն եղել:
• Գովում է քո մեջ այն, ինչ իրենից առաջ ոչ ոք չէր նկատել:
• Անհանգստանում է քո ծնողների և բարեկամների հետ ծանոթությունից առաջ:
• Նրա տրամադրությունը փչանում է, երբ պատմում ես քո տղամարդ ընկերների մասին:
• Մեծ ուշադրությամբ լսում է մայրիկիդ պատմվածքները քո մանկապարտեզային տարիքի մասին:
• Սովորեցնում է քեզ մեքենա քշել և ձուկ որսալ:
• Անկեղծորեն զարմանում է՝ լսելով, որ դու ցանկանում ես նիհարել:
• Անմիջապես հիշում է ծննդյանդ օրը:
• Մոռանում է, թե ինչ են ասել իր ընկերները քեզ հետ ծանոթությունից հետո:
• Քեզ իր տուն հրավիրելով՝ խոստանում է ցույց տալ իր մանկական նկարներն ու ծանոթացնել իր չորքոտանի ընկերոջ հետ (եթե ունի):
• Քեզ տուն է ճանապարհում անկախ նրանից, թե երբ է ավարտվել ձեր ժամադրությունը:
• Խորհրդակցում է քեզ հետ, թե ինչ կոստյում գնել:
• Մանրամասնություններով պատմում է, թե ինչպես նա մեկ շաբաթ տանը մենակ մնաց և սովից չմեռավ:
• Հետաքրքրվում է քո մասնագիտական հաջողություններով:
• Ծիծաղում է քո անհաջող հումորի վրա:
• Քեզ դիմում է. «Արևս», «Քնքուշս», «Քաղցրս» որոշիչներով:
• Ծանոթացնում է քեզ իր բոլոր ամուսնացած ընկերների հետ և խոստովանում, որ նախանձում է իրենց:
Նա հրապուրված է, եթե.
• Հաճույքով պատմում է իր նախկին սիրավեպերի մասին:
• Այնպիսի հաճոյախոսություններ է անում, որոնք իրենից առաջ արդեն լսել էիր:
• Հարցուփորձ է անում իր մրցակիցների մասին:
• Հետաքրքրվում է քո լուսանկարչական ալբոմով միայն այն ժամանակ, երբ արդեն հասնում եք հասուն տարիքի լուսանկարներին:
• Հարմար առիթի դեպքում կսովորեցնի քեզ խեցգետին ուտել և օգտվել իր երաժշտական համակարգից:
• Օգտակար խորհուրդներ է տալիս քո արտաքին տեսքի վերաբերյալ:
• Հիշում է օծանելիքիդ բույրը և հեռախոսահամարիդ առաջին երեք թիվը:
• Ոչ մի կերպ չի կարողանում հիշել մայրիկիդ անունը և սիրածդ կոնֆետների անվանումը:
• Քեզ նմանեցնում է ինչ-որ հոլիվուդյան աստղի:
• Իր տուն հրավիրելով խոստանում է շամպայնի ծով, մոմեր և իր հատուկ բաղադրատոմսով պատրաստված սուրճ:
• Եթե ձեր ժամադրությունը մի փոքր երկար է տևել, քեզ տաքսի է նստեցնում և չի ուղեկցում մինչև տուն:
• Խորհրդակցում է, թե ինչ փողկապ կապի իր ղեկավարի ծննդյան օրվա հավաքույթին գնալիս:
• Մանրամասն պատմում է, թե ինչ տպավորություն ես գործել իր ընկերների վրա:
• Խոսքի մեջ պատմում է, թե ինչ հաջողություններ ունի ինքն աշխատավայրում, ինչ մեքենա է պատրաստվում գնել մոտ ապագայում և որ վայրերն է համարում լավագույնը հանգիստն անցկացնելու համար:
• Սիրում է, երբ դու զվարճալի պատմություններ ես պատմում և հորանջում է, երբ խոսում ես աշխատանքային խնդիրներիդ մասին:
• Քեզ անվանում է «Շքեղ կին», «Խորամանկ կատու», «Աշխարհի 8-րդ հրաշալիք»
• Գունագեղ կերպով նկարագրում է ամուսնության բոլոր վատ կողմերը և պատմում իր ամուսնացած ընկերների խեղված ճակատագրերի մասին:
