Հրազդանում 7-ամյա երեխայի հայրը դանակահարել է իր երեխային մահացու վրաերթի ենթարկած վարորդին
ՀԱՍԱՐԱԿՈՒԹՅՈՒՆ2016թ. հուլիսի 6-ին ողբերգական դեպք էր տեղի ունեցել Հրազդան քաղաքում. «Վազ 2104» մակնիշի ավտոմեքենան դուրս է եկել երթևեկելի մասից և մայթով քայլող երեք երեխաներից մեկին` 7-ամյա տղային, վրաերթի ենթարկել, որի հետևանքով ստացած մարմնական վնասվածքներից երեխան տեղում մահացել էր, տեղեկացնում է «Փաստինֆո»–ն:
Դեպքի առթիվ քրեական գործ էր հարուցվել Քննչական կոմիտեի Կոտայքի մարզային քննչական վարչությունում` Քրեական օրենսգրքի 242-րդ հոդվածի 2-րդ մասի հատկանիշներով:
Վարույթն իրականացնող մարմինը միջնորդություն էր ներկայացրել դատարան` վարորդի նկատմամբ որպես խափանման միջոց կալանավորում ընտրելու վերաբերյալ, ինչը բավարարվել էր:շ
Սակայն Վերաքննիչ դատարանը բեկանել էր առաջին ատյանի դատարանի` կալանքը որպես խափանման միջոց ընտրելու որոշումը և ազատ արձակել վարորդին:
Իսկ այսօր մահացած 7-ամյա երեխայի հայրը պատահաբար հանդիպել է իր երեխայի մահվան պատճառ դարձած վրաերթի հեղինակ վարորդին ու դանակահարել: Վերջինս ստացած մարմնական վնասվածքներով տեղափոխվել է հիվանդանոց:
