Սևան-Մարտունի ճանապարհին Mercedes-ի վարորդը անսթափ վիճակում բախվել է Mitsubishi-ին եւ դիմել փախուստի․ կան տուժածներ
ՀԱՍԱՐԱԿՈՒԹՅՈՒՆԱյսօր՝ մայիսի 1-ին, արտակարգ դեպք է տեղի ունեցել Գեղարքունիքի մարզում: Ժամը 17:00-ի սահմաններում Սևան –Մարտունի-Գետափ ավտոճանապարհի 55-րդ կմ հատվածում բախվել են Վեդի քաղաքի բնակիչ 26-ամյա Լևոն Հարությունյանի Mitsubishi Grandis մակնիշի և Նոր Ամանոս գյուղի բնակիչ 52-ամյա Պատվական Նիկոյանի Mercedes մակնիշի ավտոմեքենաները: Այս մասին հայտնում է Shamshyan.com-ը։
Վթարի հետևանքով Լ. Հարությունյանը կորցրել է ավտոմեքենայի կառավարումը, դուրս եկել ճանապարհի երթևեկելի գոտուց և բախվել ճամփեզրին գտնվող հաստաբուն ծառին: Լ. Հարությունյանն ու նրա ուղևորներ, Երևանի բնակիչ 23-ամյա Գեորգի Մուրադյանը և Ռումինիայի Հանրապետության քաղաքացի 35-ամյա Լաուրա Կրեմենենը մարմնական վնասվածքներով տեղափոխվել են Մարտունու բժշկական կենտրոն:
Վարորդները ենթարկվել են բժշկական փորձաքննության, պարզվել է, որ Mercedes-ի վարորդը եղել է ոչ սթափ վիճակում:
Ոստիկանության կողմից փաստի առթիվ նյութեր են նախապատրաստվում:
Ֆոտոլրագրողի տեղեկություններով՝ Mitsubishi-ի վարորդ Լ. Հարությունյանը աշխատում է Գիտությունների ազգային ակադեմիայի կենդանաբանության հիդրոէկոլոգիայի և կենդանաբանության գիտությունների կենտրոնում՝ որպես կենդանաբան: Վիրավորներից Գ. Մուրադյանն աշխատում է «Սպուտնիկ Արմենիա» լրատվական գործակալությունում՝ որպես լրագրող:
