Գագիկ Ծառուկյանի ջանքերով կազմակերպված կլոր սեղանը՝ տնտեսական աշխուժության խթան

Արման Հարոյանն իր ֆեյսբուքյան էջում գրում է.

Երեկ «Բարգավաճ Հայաստան» կուսակցության նախագահ Գագիկ Ծառուկյանի նախաձեռնությամբ և օժանդակությամբ, ԵԱՏՄ անդամ 5 երկրների՝ Հայաստանի, Ռուսաստանի, Բելառուսի, Ղազախստանի և Ղրղզստանի, ինչպես նաև Սերբիայի, Վիետնամի և Տաջիկստանի քաղաքական կուսակցությունների ղեկավար ներկայացուցիչները հավաքվել էին Հյաստանում: ԲՀԿ առաջնորդի խոսքով՝ արագ փոփոխվող աշխարհում որպեսզի պետությունները դիմակայեն արտաքին բազմաթիվ մարտահրավերների պետք է միավորվեն տնտեսական տարբեր միությունների մեջ` շուկաների ծավալները մեծացնելու, ապրանքների ու ծառայությունների իրացումն ապահովելու համար: Այս համատեքստում կարևոր է շեշտադրել Գագիկ Ծառուկյանի կարևոր առաջարկը նման արդյունքի հասնելու համար, որն է՝ հատուկ ԵԱՏՄ երկրների համար Հայաստանում ազատ տնտեսական գոտի ձևավորելը: ԵԱՏՄ-ն ունի հսկայական չօգտագործված ներուժ, իսկ այդ ներուժը ինչպես շեշտվեց Ծառուկյանի կողմից կարելի է օգտագործել նոր ծանոթություններ հաստատելով, ամուր գործակցությամբ, ինչի շնորհիվ հնարավոր է հասնել այնպիսի տնտեսական արդյունքի, որը հասարակ քաղաքացիները կզգան իրենց ամենօրյա կյանքում: Համատեղ այսպիսի ծրագրերը պետք է ունենան մեկ նպատակ՝ օգուտ տալ մարդկանց:
Ամփոփելով նշենք, որ Գագիկ Ծառուկյանի ջանքերով կազմակերպված կլոր սեղանը կարևորագույն նախաձեռնություն է և այն ԵԱՏՄ անդամ պետություններին ավելի սերտ համագործակցության հնարավորություն կտա, ինչն էլ իր հերթին կլինի տնտեսական աշխուժության ապահովման խթան: