Վիրաբույժները 40 դանակ են հանել Հնդկաստանի բնակչի ստամոքսից

Հնդկաստանի բնակիչը մի քանի տասնյակ դանակ Է կուլ տվել վերջին երկու ամսում, դրանք հանելու համար վիրաբուժական միջամտություն Է պահանջվել, տեղեկացնում Է «Արմենպրես»-ը:

«Նա մետաղական իրեր ուտելու անհաղթահարելի ցանկանություն Է զգացել: Նույնիսկ մեզ՝ փորձառու վիրաբույժներիս համար Էլ սարսափեցնող Էր ստեղծված իրավիճակը»,- բժիշկներից մեկի խոսքը մեջբերում Է CNN-ը:

Բժիշկները երկու օր վիրահատություն Էին պլանավորում, իսկ բուն բուժընթացը տեւել Է հինգ ժամ:

Հիվանդի ստամոքսում գտել են, մասնավորապես, ծալովի դանակներ, որոնք դարսած վիճակում հասել են 17,5 սանտիմետրի: Որոշ դանակներ եղել են ծալված, մյուսները՝ բացված վիճակում, իսկ մի քանիսն արդեն սկսել Էին ժանգոտել:

Վիրահատությունն անցել Է հաջող, բայց 42-ամյա հիվանդը կարող Է հվիանդանոցից դուրս գալ սոսկ հոգեբույժի մոտ հետազոտվելուց հետո:

Տղամարդն ինքը չի կարողացել բացատրել, թե ինչու Է դանակներ կուլ տվել՝ հավաստիացնելով, որ այլեւ դա չի անի:

«Չգիտեմ, թե ինչու եմ դա արել: Ինձ պարզապես դուր Է գալիս դրանց համը, ես դրանով տարվեցի, ինչպես ոմանք գինեմոլ են դառնում: Ես հայտնվել եմ նույն իրավիճակում»,- պարզաբանել Է նա, հաղորդել Է «Ինտերֆաքս»-ը: