Երևանը հավերժական պատմություն է ու հավերժական երիտասարդություն. ՀՀ նախագահ Արմեն Սարգսյանը շնորհավորել է Երևանի 2800-ամյակը
ՀԱՍԱՐԱԿՈՒԹՅՈՒՆՀանրապետության նախագահ Արմեն Սարգսյանը շնորհավորանք է հղել Երևանի 2800-ամյա հոբելյանի առթիվ։ Այս մասին «Արմենպրես»-ին տեղեկացրին Հայաստանի Հանրապետության նախագահի աշխատակազմի հասարակայնության և տեղեկատվության միջոցների հետ կապերի վարչությունից։
Արմեն Սարգսյանն իր շնորհավորանքում նշել է. «Շնորհավոր 2800-ամյա հոբելյանդ, սիրելի՛ Երևան:
Շնորհավոր բոլորիս տոնը, սիրելի՛ երևանցիներ, սիրելի՛ հայրենակիցներ` Հայաստանում, Արցախում և արտերկրում:
Երևանը սիրում ենք անկախ մեր ծննդյան վայրից, անկախ մեր ապրելու վայրից:
Երևանը մեր մեջ է, որը մեզ հուզում է ու ջերմացնում:
Երևանը մեր ներկան է՝ երեկվա հիշողությամբ ու վաղվա վստահությամբ:
Երևանը հավերժական պատմություն է ու հավերժական երիտասարդություն:
Սրտացավ լինենք մեր անցյալի ժառանգության և հոգատար` մեր ապագայի հանդեպ:
Հավատարիմ մնանք Երևանին։
Ծնունդդ շնորհավոր, Երևան, իմ սեր»:
