Այսօր՝ հայ-ուկրաինական բարեկամական հարաբերություններում դրվեց ևս մեկ հիմնաքար
ՀԱՍԱՐԱԿՈՒԹՅՈՒՆ
Հայ-ուկրաինական երկկողմ դիվանագիտական հարաբերությունները ունեն 100 տարվա պատմություն։ Հայաստանն ու Ուկրաինան բավականին լուրջ տնտեսական հարաբերությունների մեջ են գտնվում, և Հայաստանի համար կարևոր է ունենալ Ուկրաինայի նման հզոր դաշնակից։
Հենց այս կարևոր հանգամանքը հաշվի առնելով Գագիկ Ծառուկյանը առանձնահատուկ ուշադրություն է դարձնում այս երկու երկրների հարաբերություններն էլ ավելի բարիդրացիական դարձնելու համար։
Այսօր՝ հոկտեմբերի 13-ին, Երևանի Օղակաձև այգում տեղի ունեցավ տեղի ունեցավ ուկրաինացի բանաստեղծ, նկարիչ, ժողովրդագետ, արվեստագետ Տարաս Շևչենկոյի արձանի բացուման հանդիսավոր արարողությունը։
Այս, արվեստագետի արձանի բացումը բավականին լուրջ քայլ էր, որը ուղղված էր ոչ միայն հայ-ուկրաինական բարեկամական հարաբերությունների վերելքին, այլև առիթ էր ևս մեկ անգամ «հայտարարելու», որ մենք կարևորում ենք բարեկամ ազգերի մշակույթը։ Ծառուկյանի այս քայլը, մյուս կողմից, դրական կազդի Ուկրաինայում ապրող հայերի վրա, քանի որ նրանք ապրում և ստեղծագործում են մի երկրում, որի մշակույթը հարգված է իրենց հայրենիքում։
Որպես եզրակացություն կարելի է նշել, որ այսօր՝ հայ-ուկրաինական բարեկամական հարաբերություններում դրվեց ևս մեկ հիմնաքար։
