Խաղողի մթերման ժամանակ գյուղացիները լուրջ փաստի առաջ են կանգնելու
ՀԱՍԱՐԱԿՈՒԹՅՈՒՆ
Նորիկ Սարգսյանը ֆեյսբուքյան իր էջում գրում է.
Այս տարի խաղողի մթերման ժամանակ գյուղացիները լուրջ խնդրի առաջ են կանգնելու, ինչի պատճառը խաղողի քիչ բերքն է և վատ որակը: Ստացվում է այնպես, որ բնության արհավիրքների պատճառով գյուղացին էլի խնդրի առաջ է կանգնելու, քանի որ նրա ապրուստի միակ միջոցը այս պահին խաղողն է:
Կարկուտը վնասել է խաղողը, ինչը բնականաբար ազդում է բերքի որակի վրա, իսկ դա իր հետևանքներն է ունենալու խաղողի մթերման ժամանակ: Դա կարծես քիչ է, բերքատվությունն էլ այս տարի քիչ է եղել, ինչը նույնպես գյուղացուն կանգնեցնելու է հացի խնդրի առաջ.
Իզուր չէ, որ տարբեր մարզերի գյուղացիները արդեն տևական ժամանակ բողոքի ակցիաներ են անում, ճանապարհներ են փակում, որպեսզի բարձրաձայնեն իրենց խնդիրները: Ցավոք ամբողջությամբ բերքի քանակից ու որակից կախված գյուղացին, բերքով միայն իր ապրուստը հոգացող այսօր արդեն իսկ գիտակցում է, որ մթերման ժանանկ լուրջ պրոբլեմներ է ունենալու և այսօրվանից դրա մասին է փորձում բարձրաձայնել: Ինչպե՞ս չհասկանալ գյուղացուն:
