Ողբերգական ավտովթար Կոտայքի մարզում. 34-ամյա Խաչիկը տեղում մահացել է, իսկ ուղևորը՝ ծայրահեղ ծանր վիճակում է.. ՖՈՏՈՌԵՊՈՐՏԱԺ
ՀԱՍԱՐԱԿՈՒԹՅՈՒՆshamshyan.com-ը գրում է.
Այսօր՝ օգոստոսի 13-ին, ողբերգական ավտովթար է տեղի ունեցել Կոտայքի մարզում։ Ժամը 03:30-ի սահմաններում Կոտայքի մարզի Նոր Հաճըն քաղաքի Ազատամարտիկներ փողոցի բնակիչ, 34-ամյա Խաչիկ Ֆահրադյանը իր վարած ВАЗ 2106 մակնիշի 34 OC 895 համարանիշի ավտոմեքենայով Երևան-Սևան ավտոճանապարհի 21-րդ կմ հատվածում՝ դեպի Երևան ընթանալիս դուրս է եկել ճանապարհի երթևեկելի գոտուց և բախվել հաստաբուն ծառին։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդ Խ. Ֆահրադյանը տեղում մահացել է, իսկ նրա ուղևորին՝ Արմավիրի մարզի Մրգաշեն գյուղի բնակիչ, 28-ամյա Հարություն Թորոսյանին ծայրահեղ ծանր վիճակով տեղափոխել են Աբովյանի հիվանդանոց։
Լուսանկարները ՝ Գագիկ Շամշյանի