ՀՀ գլխավոր հարկադիր կատարողի մոտ տեղի է ունեցել քաղաքացիների ընդունելություն
ՀԱՍԱՐԱԿՈՒԹՅՈՒՆ
Այսօր Հարկադիր կատարման ծառայությունում տեղի է ունեցել քաղաքացիների ընդունելություն։ ՀՀ գլխավոր հարկադիր կատարող, արդարադատության գնդապետ Հակոբ Հակոբյանն ընդունել է նախապես ընդունելության համար դիմած քաղաքացիներին, լսել վերջիններիսբարձրաձայնած հարցերն ու խնդիրները:
Ինչպես «Արմենպրես»-ին տեղեկացրին ՀՀ հարկադիր կատարման ծառայությանհասարակայնության հետ կապերի և տեղեկատվության վարչությունից, ընդունելության ընթացքում հնչեցված հարցերն առնչվում էին տարբեր կատարողական վարույթների շրջանակներում իրականացվող կատարողական գործողություններին, մասնավորապես՝ պարտապանի գույքի վրա արգելանքի կիրառմանը, բնակարանը հարկադիր էլեկտրոնային աճուրդով իրացնելուն, ինչպես նաև երեխայի տեսակցությանը:
Ընդունելությանը մասնակցում էին նաև տվյալ վարույթն իրականացնող հարկադիր կատարողը և իրավասու ստորաբաժանման ղեկավարը:
Հակոբ Հակոբյանը հավաստիացրեց, որ յուրաքանչյուր կատարողական վարույթով ձեռնարկվում են անհրաժեշտ կատարողական գործողություններ՝ ապահովելու տրված կատարողական թերթերի իրականացման սահուն ընթացքը։Նշված հարցերինՀՀ գլխավոր հարկադիր կատարողը հանձնարարեցանհապաղընթացքտալևարդյունքների մասին սեղմ ժամկետում տեղեկացնել դիմումատուներին։
Հարկադիր կատարման ծառայությունում սահմանված կարգի համաձայն՝ ՀՀ գլխավոր հարկադիր կատարողը յուրաքանչյուր ամսվա վերջին օրն իրականացնելու է քաղաքացիների ընդունելություն, իսկ ՀՀ գլխավոր հարկադիր կատարողների տեղակալները՝ յուրաքանչյուր ամսվա առաջին երեք ուրբաթ օրերին:
