Վարչապետը Գարեգին Նժդեհի հրապարակի հարակից տարածքի խանութներում գյուղմթերքի գների ավելի լավ վիճակ է արձանագրում

Հայաստանի Հանրապետության վարչապետ Նիկոլ Փաշինյանը Գումի շուկայում շրջայցից հետո գյուղմթերքի գներին ծանոթացել է նաև Շենգավիթ վարչական շրջանում՝ Գարեգին Նժդեհի հրապարակի հատվածում:

Ինչպես հաղորդում է «Արմենպրես»-ը, ՀՀ վարչապետը եղավ վարչական շրջանում տեղակայված մի շարք խանութներում, ծանոթացավ բանջարեղենի գներին:

Խանութներից մեկում էլ վարչապետը ծանոթացավ մսամթերքի գներին:

Ամփոփելով  շրջայցը՝ վարչապետն ընդգծեց, որ Շենգավիթ վարչական շրջանում՝ Գարեգին Նժդեհի հրապարակի հատվածում տեղակայված խանութներում գյուղմթերքի, մասնավորապես, լոլիկի և վարունգի գների տարբերություն կա: «Գնային որոշակի տարբերություն Երրորդ մասում կար: Մասնավորապես, լոլիկի և վարունգի մասով որոշակի գնային տարբերություն իրոք կար: Մնում է վերլուծել:  Փաստորեն, ճիշտ էր, որ Երրորդ մասում գնային իրավիճակն ավելի լավ է»,- արձանագրեց վարչապետը:

Մինչ այդ ՀՀ վարչապետը շրջայց էր կատարել Գումի շուկայում՝ արձանագրելով, որ լոլիկի, վարունգի, սմբուկի և կարևոր այլ բանջարեղենի գները տարօրինակ բարձր են: