Ո՞րտեղ է նոր Հայաստանի անկախ դատական համակարգը
ՀԱՍԱՐԱԿՈՒԹՅՈՒՆ
Սյուզի Հակոբյանը ֆեյսբուքյան իր էջում գրում է.
Երբ պայքարում ես երկրի անկախության և ազատության համար, մտածում ես, որ դու էլ պետք է լինես անկախ և ազատ, սկսում ես մտածել, որ կսկսեն հարգվել ու պահպանվել քո և մարդկանց իրավունքները: Սակայն ստացվում է մի հակառակ երևույթ Էդուարդ Բաբայանի գործի հարցում:
Այսօր նրա փաստաբանը միջնորդություն էր ներկայացրել, որպեսզի Բաբայանի խափանման միջոցը փոխվի 50 մլն դրամ գրավի դիմաց, սակայն դատարանը մերժել է փաստաբանի միջնորդությունը:
Առավել ևս այս գործընթացը աբսուրդային է ստացվում այն պատճառով, որ նախ Բաբայանին կալանավորելու ժամանակ չի եղել դատաբժշկական որոշում և ենթադրյալ տուժածը եղել է պրոմեդոլ թմրամիջոցային դեղորայքի ազդեցության տակ ցուցմունքներ տալուց, իսկ դեղորայքի ազդեցությունը ավարտվելուց հետո հերքել է, որ ծեծի է ենթարկվել և այս դեպքում ինչո՞ւ է մեր «վերափոխված» դատական համակարգը շարունակում անհիմն կերպով պահել կալանքի տակ մի մարդու, որն անմեղ է, անհասկանալի է:
Իսկ ո՞րտեղ է այդ դեպքում նոր Հայաստանի անկախ դատական համակարգը:
Ստացվում է, որ նոր Հայաստանում, դատական համակարգը ամենևին էլ անկախ չէ և ենթարկվում է քաղաքական որոշումների, քանի որ եղածը այլ կարեպ քան քաղաքական հաշվեհարդար որակավորել հնարավոր չէ:
