Երևանը դեպի ԱՊՀ քաղաքներ ամառային ուղևորությունների 5-յակում է

Yerevan2800.am-ը գրում է.

Ռուսական ՏուրՍտատ վերլուծական գործակալությունը ներկայացրել է ԱՊՀ երկրների քաղաքների վարկանիշը, որոնք նախընտրում են ռուսաստանցի զբոսաշրջիկներն ամառային ուղևորությունների համար: Երևանը դեպի ԱՊՀ քաղաքներ ամառային ուղևորությունների 5-յակում է:

Ռուսաստանցի զբոսաշրջիկների նախընտրած քաղաքների 10-յակում են՝ Բաքուն (Ադրբեջան), Մինսկը (Բելառուս), Ալմաթին (Ղազախստան), Երևանը (Հայաստան), Աստանան (Ղազախստան), Բիշքեկը (Ղրղզստան), Տաշքենտը (Ուզբեկստան), Քիշնևը (Մոլդովա), Դուշանբեն (Տաջիկստան) և Աշխաբադը (Թուրքմենստան):

Վարկանիշը կազմվել է ամառային զբոսաշրջային ճամփորդությունների պահանջարկի վերլուծության արդյունքում:

Ըստ գործակալության, զբոսաշրջիկներն ամռանը միջինը 2 օր են անցկացնում ԱՊՀ քաղաքներում և հետո շարունակում հանգիստը հանգստավայրերում:

Ռուս զբոսաշրջիկները միջինը ԱՊՀ քաղաքներում 50-100 դոլար են ծախսում 24 ժամում՝ կացության և սննդի համար:

Աշնանը Հայաստանի մայրաքաղաքը կնշի իր հիմնադրման 2800-ամյակը, ինչի առթիվ Երևանում բազմաթիվ միջոցառումներ են սպասվում: 

«Երևան 2800» հիմնական տոնական միջոցառումներն այս տարի կանցկացվեն սեպտեմբերի 29-30-ին: Հետևեք տոնական միջոցառումներին ու դրանց մասին տեղեկատվություն ստացեք Yerevan2800.am-ից: