Սինգապուրից ժամանած պատվիրակությունը Հայաստանում էր ԲՀԿ-ի հետ գործակցության եզրեր նախանշելու նպատակով
ՀԱՍԱՐԱԿՈՒԹՅՈՒՆ
Գագիկ Ծառուկյանն իր ֆեյսբուքյան էջում գրում է.
Հուլիսի 13-15-ը Հայաստանում էր Սինգապուրից ժամանած պատվիրակությունը, որի կազմում էին քաղաքական գործիչներ, կուսակցությունների ղեկավարներ, խորհրդարանի պատգամավորներ, իրավական-տնտեսական-ֆինանսական ոլորտների հայտնի փորձագետներ և պրոֆեսորներ:
Պատվիրակությունը Հայաստանում էր ԲՀԿ-ի հետ գործակցության եզրեր նախանշելու և սեփական փորձով կիսվելու, ինչպես նաև տարբեր բիզնես ենթակառուցվածքներին ծանոթանալու, Հայաստանի ներդրումային դաշտի առանձնահատկություններն ուսումնասիրելու նպատակով:
Հուլիսի 14-ին նրանց մասնակցությամբ կայացավ «Արդյունավետ կառավարում և առաջնորդություն» խորագիրը կրող սինգապուրյան փորձի փոխանակման գագաթնաժողովը:
Այնուհետև արդյունավետ կառավարման եւ առաջնորդության, քաղաքաշինության ոլորտում ճիշտ պլանավորման, քաղաքային տնտեսության գրագետ կազմակերպման, ինչպես նաև կրթության սինգապուրյան փորձի մասին դասախոսություններ կարդացին Սինգապուրի պետական համալսարանի պրոֆեսոր Թայ Քենգ Սունը, քաղաքական գործիչներ, կրթության փորձագետներ եւ պատգամավորներ։
Այցի ավարտին հիմնվեց հայ-սինգապուրյան բարեկամության պուրակ:
