Irates.am-ի նյութերից ներկրված բենզինի հոտ է գալիս

Սմբատ Ավագյանը ֆեյսբուքյան իր էջում գրում է.

Արդեն տևական ժամանակ Irates.am-ը ուղղորդդված հակաքարոզչություն է իրականացնում իր էջերում ընդդեմ ԲՀԿ-ի՝ համալրելով մի շարք լրատվական կայքերի շարքը, որոնք լծված են հատուկ ԲՀԿ-ին վատաբանալեու գործին։ Դա արվում է «վերլուծությունների», կեղծ լուրերի, Ծառուկյան-Փաշինյան միասնությունը պառակտող նյութերի և այլ միջոցներով։
Այսօր օրինակ Irates.am-ը, թերևս սպառած լինելով ԲՀԿ-ին փնովելու գործիքակազմը, որոշել է անդրադառնալ «Ծառուկյան» դաշինքի պատգամավորներին, ընդ որում թիրախավորել է ներկայումս գործող ԱԺ-ի ամենաբանիմաց ու կոմպետենտ պատգամավորներից մեկին՝ տնտեսական գիտությունների դոկտոր Միքայել Մելքւմյանին, որը նախորդ իշխանությունների ծրագրերը քննարկելու ժամանակ քարը քարի վրա չէր թողնում։

Irates.am-ին պետք է հուշենք, որ հատկապես այս վերջին նյութից ներկրված բենզինի ուժեղ հոտ է գալիս և երևում են Բարսեղ Բեգլարյանի՝ Ֆլեշ Բարսեղի ականջները։ Irates.am-ը, որը Ֆլեշ Բարսեղի պատվերով այսօր Մելքումյանին մեղադրում է իբր կաշառքով քննություն նշանակելու մեջ, երևի մոռացել է, որ ժամանակին նույն Ֆլեշ Բարսեղը աշխատում էր Երևանի տնտեսագիտական համալսարանում և քննություն էր նշանակում մեկ «յաչեյկա» ձվի դիմաց։ Սա է ներկայիս մեծահարուստ Ֆլեշ Բարսեղի՝ ժամանակին ունեցած էժան գինը․ մեկ «յաչեյկա» ձու, որը զուտ բախտի բերումով այսօր դարձել է միլիոնավոր դոլարներ։