Արգենտինայում 8-ամյա աղջկա բռնաբարելու փորձի համար մեղադրվող տղամարդուն մերկ քայլեցրել են համայնքով

Արգենտինայի Բուենոս Այրես քաղաքի Սանտա Բրիջիդա համայնքում տղամարդուն, ով փորձել է բռնաբարել 8-ամյա աղջկա, մերկացրել են և քայլեցրել հանրության առաջ` ամոթանք տալով նրան, գրում է The Daily Mail-ը:

Լուսանկարներում երևում է` ինչպես է մերկ երիտասարդը, ում ինքնությունը դեռ պետք է պարզվի, պարանով կապված քայլում փողոցներով` նախքան ոստիկանությանը փոխանցվելը:

Մինչ կին ոստիկանը քանդում է պարանները, ձեռնաշղթաներ հագցնում և նստեցնում ոստիկանական մեքենան, մարդիկ շրջապատում են նրան և վիրավորանքներ ասում նրա հասցեին:

«Հաջորդ անգամ մենք կսպանենք քեզ»,- բղավում է հավաքված մարդկանցից մեկը։

Լուսանկարները սոցիալական մեդիայում տեղադրել է բնակիչներից մեկը և գրել, որ իրենք արդարադատության հույս ունեն: