Գագիկ Ծառուկյանի այս նախաձեռնությունը համարում եմ հեղափոխական քայլ․ Գեղամ Հարությունյան

«Omnia-Tech» ընկերությունը «Multi Group» կոնցեռնի հետ համատեղ Հայաստանում հիմնում   է կրիպտոարժույթի՝ բիթքոինի, էթերիումի, դաշի  արտադրության աշխարհում ամենամեծ մայնինգ ֆերման։ Այս ուղղությամբ արդեն արվել են հսակայական ներդրումներ, իսկ առաջիկա երկու տարում  «Omnia-Tech»  ընկերությունը և  «Multi Group» կոնցեռնը նախատեսում են իրականացնել խոշոր տեխնոլոգիական նախագծեր, որոնց շրջանակներում կկատարվի մինչև 2 միլիարդ դոլարի ներդրումներ և կստեղծվեն  մինչև 3000 նոր աշխատատեղեր։ Այս տեխնոլոգիական նախագծերին միանալու են  աշխարհի 500 ընկերություններ, որոնց թվում են այնպիսի հսկա ընկերություններ, ինչպիսիք են  Facebook-ը, Google-ը, Amazon-ը և այլն։ 

Ի՞նչէ բիթքոինը և ինչո՞վ է պայմանավորված նրա տարածումը աշխարհում: Եվ առհասարակ ինչու՞ գնել բիթքոին, եթե կան նյութապես ավելի շոշափելի արժույթներ,  թեմայի շուրջ Past.am կայքը զրուցել է  «Օլբի Դեվելոփմենթ» ընկերության տնօրեն Գեղամ Հարությունյանի հետ։

-Տարածման նպատակը կարծում եմ՝ միտում ավելի ապահովագրելու մեր  վաղվա ֆինանսական միջոցները:Բիթքոինի պարագայում ավելիենքապահովագրված լինում գլոբալ խնդիրներից, տարբեր պետությունների ներքաղաքական, ընդհանուր քաղաքական տեղաշարժերիցև արժույթի տատանումներից:

Գեղամ Հարությունյանը  նաև ընդգծեց   «Multi Group» կոնցեռնի և շվեդական «Omnia – Tech» ընկերության հետ համատեղ, աշխարհում ամենամեծ մայնինգ ֆերմայի և տեխնոլոգիական ծրագրերի առանձնահատկությունների մասին․

«Այս ամենի մասին  միանշանակ միայն  դրական կարող եմ  արձագանքել,որովհետև դա տալիս է հնարավորություն նորովի ընկալել մեր հանրապետությունը։ Կրիպտոարժույթի միջազգային շուկայում սա նոր էջ է։ Բացի կրիպտոարժույթի մայնինգից  գիտեմ, որ ստեղծվելու են տեխնոլոգիական ծրագրեր։Առաջինը, որ պետք է նշել այն է, որ սա տալու է  նոր աշխատատեղեր, նոր մասնագետներ, նոր հայացք դեպի մեր փոքր հանրապետությունը։  Մենք նախկինում չենք ունեցել նման մեծ պրոեկտներ։ Սա նաև նոր հայացք  է մեր համար ոչ ավանդական ուղղություն զարգացնելու առումով։ Ինչ վերաբերում է  արտասահամանյան խոշոր ընկերությունների հետ համագործակցության մասին, որոնց թվում են  Facebook-ը, Google-ը, Amazon-ը, սա իսկապես աննախադեպ կլինիՀայաստանի համար»։