Թագուհի՝ Խեցգետին: Այս նշանի տակ ծնված կանայք ուժեղ էմոցիաներ տածում են իրենց զուգընկերների հանդեպ: Նրանք սիրում են անշահախնդրորեն և սիրելիի համար պատրաստ են ամեն բանի: Եթե դուք որոշել եք այս կնոջ հետ լինել, ապա շատ ճիշտ ընտրություն եք կատարել, քանի որ նա ամեն բան անելու է ձեզ երջանկացնելու համար: Մյուս կողմից՝ այս կանայք չափազանց դրամատիկ են, հաճախ անհանգստանում են այնպիսի բաների համար, որոնք իրականում այդքան չարժեն: Խեցգետին կանայք հիմնականում լավ խոհարարներ են: Նրանք նաև հիանալի մայրեր են լինում:
Կայսրուհի՝ Խոյ: Խոյ կանայք տղամարդկանց ծնկի են բերում, քանի որ ունեն շատ ամուր և հաստատուն բնավորություն: Բացի այդ՝ նրանք շատ նպատակասլաց են: Նա ձեզնից պահանջում է լիակատար աջակցություն իր բոլոր նախաձեռնություններում: Խոյ կանայք իրենց կողակիցներին մոտիվացնում են, առաջ մղում, օգնում, որ հաջողակ դառնան: Նրանք ռեալիստներ են: Խոյ կանանց ուշադրությանը դժվար է արժանանալ, իսկ եթե դա ձեզ, այնուամենայնիվ, հաջողվի, ապա նա դեռ երկար ժամանակ մտորելու է, գնահատելու է բոլոր առավելություններն ու թերությունները: Խոյ կանայք դառնում են խիստ մայրեր, որոնք դաստիարակում և մեծացնում են իսկական առաջնորդների:
Տիրուհի՝ Առյուծ: Առյուծ կանայք իսկական մարտիկներ են, նրանք քաջ են, կամային և խստապահանջ: Հենց այդ պատճառով էլ նրանց հարկավոր է մեկը, ով նույնքան ամուր հոգի ունի: Նրանց չեն հետաքրքրում հասարակ և պարզ տղամարդիկ, անգամ չեն էլ փորձում այդպիսիներին գայթակղել: Նրանց հարկավոր է նվիրված և հավատարիմ կողակից: Դուք չեք գտնի մի կնոջ, ով ձեզ այնքան ուժգին կսիրի, որքան Առյուծի համաստեղության տակ ծնված կինը: Նրա սերն անաչառ է և մաքուր: Նա մշտապես պայքարում է իր ամուսնուն և երեխաներին լավագույնն ապահովելու համար: Առյուծ կանայք դառնում են հիանալի, հոգատար և սիրով լի մայրեր:
