ATV հեռուստաընկերության եթեր է վերադառնում ամենառեյթինգային նախագծերից մեկը՝ «Բյուրո համար 6»-ը: Առաջին հաղորդումը եթերում կլինի այսօր 21:30-ին: Ռեալիթի շոուի ընթացքում պրոֆեսիոնալ էքսպերտները կփորձեն քանդել առեղծվածային ու խճճված պատմության կծիկն ու վերջապես բացահայտել, թե ով է տարիներ շարունակ սարսափի ու լարվածության մեջ պահում Ավանի 5-րդ փողոցի բնակիչներին: 60-ից ավելի մարդիկ տեսախցիկի առջև և դրանից այն կողմ կպատմեն ինչ-որ տանը թափառող հոգիների ու կատարվող առեղծվածային երևույթների մասին: Մինչև այդ առաջարկում ենք դիտել հաղորդման անոնսը:
